笨大又一呃錢series---Composite Ver. Ka，一開頭睇到Lancelot果張官圖，我諗冇人會抵抗到，果d拉花上色真係靚到阿媽都唔認得，比例、配件乜都齊，加上定價唔太貴，果時真係認為呢個系列會大有作為。
點知.............世事就係咁，有d野你唔試過，真係唔知咩叫"衰"！我諗真正有玩過嘅玩具同好都會同我一樣身同感受。
話返轉頭，雖則我一路鬧一路彈，點都唔似係sell緊呢個系列嘅玩家之一。但事實又係另一回事，呢個系列唯一可取嘅地方，就係佢出親嘅，都係啲較少product（頭兩款除外），而又啱我口味嘅機設。鐵木真、凶鳥、Cybaster都係我心水之算，涼宮系又有唔錯嘅gimmick，搞到呢一刻嘅我將成個系列都買齊訂齊，唔講咁多，睇相吧！
作為系列嘅頭炮，睇得出廠方好有心機，有心機在欺騙玩家感情，有乜理由可以同初初出果張官圖差咁死遠！d拉花同d水口，算點！？上色用件分模樣樣都水準之下，佢開一個新系列，第一隻都唔做下樣呃下人，佢地班友諗乜真係冇人知！
★★★
紅蓮嘅情況都差唔多，但配件多一個特大鑽頭，真係補返唔少鑊，外型同比例都okay，但product太多了，驚喜欠奉！
★★★
經過頭兩款嘅摧殘之後，本來已經對呢個系列死心。冷不防一個偷襲，整隻想入好耐嘅角色（機體）鐵木真出黎，搞到又返轉頭，繼續收。
上色同水貼其實係唔錯嘅，棄用左前兩款浮誇嘅拉花，即時Sharp醒返少少，背部果個SS裝置勾起我舊時打SS嘅回憶，乜都值返曬！
★★★★
女人加裝甲，有冇得搞？！暫時黎講係okay嘅，雖然裝著後甩甩漏漏，但係可玩性又大增，套裝甲扭下擰下都幾過癮。至於女啦喎，so far so good啦！
★★★
作為又一偽高達嘅存在，背翼比本體更加出彩，武器配件多但唔精，d手掌又易鬆。上色反而有唔錯嘅表現，整體黎講，啱我心水！期待紅色限定到貨！
★★★★
興趣唔係話太大，又係官圖欺騙技倆，可變嘅設定叫做多返d野玩下，但反而搞到啲關節同骨格奇怪起黎，鬆鬆散散。
★★★
近日先入手，拉花技已經消失，外觀而言，真係系列中頂級之選，上色同比例都唔錯，又係可變，但今次d關節實淨好多，只係某部份配件設計上有問題，搞到好易跌件，其實問題都不大。加上把二合為一刀，確實係近期少見嘅好物！
★★★★★
暫時黎講，Co... more
