芋頭炆排骨
今日行街市見到d芋仔好靚，阿姐話呢隻芋仔好粉、好香，於是就買來炆排骨，
炆好後偷食一舊順便試味，哦！又真係得喎，芋仔真係好粉同好香。
芋頭炆排骨
材料：腩排1條，細個芋頭2個 蒜頭2粒剁茸 砂糖2茶匙 麵豉醬1湯匙半
汁料：老抽1湯匙、生抽1湯匙 冰糖1小粒 水適量
做法：1. 腩排切成細件，芋頭去皮切件或滾刀
2. 燒熱鑊下少許油將芋頭改入去爆炒至微黃盛起
3. 燒熱鑊下少許油將腩排放入煎至兩面微黃盛起
4. 燒熱鑊下少許油將蒜茸略爆加入麵豉醬及砂糖炒開
5. 加入爆好的排骨及汁料(老抽、生抽同水) 水要蓋過排骨煑至滾；收慢火去炆，至排骨就淋時才加入芋頭同炆一陣
再作最後調味即可。
註：腩排切細件去炆較易炆淋。
芋頭爆過才去炆，就不會炆至變糊。
加入芋頭于排骨時可視乎有否須要多加點水。
芋頭最後才加入排骨去炆，不要炆得太久。
水份量多少視乎喜唔喜歡汁多；如汁量多請自行加添調味汁料
