黃金蝦 ~~
黃金蝦 ~~ 
今日又整下d野食先, 專登早落一個站去買蝦, 平點0架! d蝦好大隻, 亦好多羔仲好生猛 ..... 但未買牛油同麵粉, 等我落街買先!
哇! 落完街之後, d蝦就唔見晒d頭同腳 ... 超驚嚇! 
係亞媽殺0架! 但我都諗住等我家姐返黎同我攪0架啦! 我一路攞番屋企幾驚會跳晒出0黎! 呢d生"out""out"0既野我至驚! 對住佢地d有生命0既野...要殺佢又要食佢 ... 真係好殘忍呀! 我看到佢地 ..... 感覺就像更年期的徵狀一樣 .... 心悸 ... "bill"冷汗 .... 總之一個字"驚"
呢味"黃金蝦"0既主角當然係咸蛋黃啦! "亞蘇"教一斤蝦要十二隻咸蛋黃, 哇! +埋牛油呢味野真係"超標"啦!
哇! 呢味"黃金蝦"完成啦! 色 .. 香 ...味都有 .... 未算好好食, 但都ok! 今次亞媽都有捧場, but當然"彈"多過讚啦! 而家姐就話ok! 
總結一下先啦! 係唔多健康0架啦! 但呢味黃金蝦好易整 ... 難度不高 ... 今次d蝦太大隻, so驚唔熟炸得耐得滯, 而且我認為咸蛋黃十二隻太多啦 ... 六至七隻ok啦! 健康 d 嘛! 同埋唔好買大蝦, 中蝦size夠啦! 仲要開邊添! 咁食就方便好多囉 .... 都無剩 ... 清晒倉啦 
"黃金蝦" 食譜
一斤中蝦
十二隻咸蛋黃
牛油 / 麵粉
煮法:
先將蝦洗淨再剪去腳 ... 同閃電位(頭頂支刺)再用紙吸乾蝦身d水份
咸蛋黃先蒸十至十五分鐘, 之後趁熱用义壓爛蛋黃
蝦要沾上薄薄的麵粉, 跟住走一走油, 泡佢到七八成熟
先用少許牛油起鑊, 再落咸蛋黃炒至溶, 可落蝦炒, 蝦身沾滿蛋黃便可上碟
