Welcome to Chu Blog

既然已經買o左光波爐, 以我o既性格, 一定整返個光波資料庫, 供各姊妹參考!

以上列出的資料係在bk版面打出來我先抄低, 其餘在blog有寫的我就沒有抄了, 請大家去各姊妹的blog度睇下啦. *各位, 如有錯漏請指正!

火石(德朗7L): http://firestone.pixnet.net/blog/

內地光波爐示範: http://v.youku.com/v_show/id_XMzcyNjMyODg=.html

德國寶: http://www.germanpool.com/chi/products/list_hp.php

億世通: http://www.ectone.com.hk/products_detail.php?txt_category=2&txt_id=198

焗爐 --- 焗魚、肉類等，焗出來會比較乾身，又好熱氣，而光波爐，光波魚、雞、其他肉類, 都可以保留肉汁，味道比焗爐好，時間快過焗爐，又冇焗爐食完咁熱氣，而焗爐, 除非你用鍚紙把雞亦, 包到實一實, 否則油會彈到周圍都係, 清潔有些難度, 油漬有機會長存. 我部焗爐, 只用來焗蛋糕 / 麵包

魚 - 我光波每面 5 分鐘, 這幾天, 天氣咁凍, 你加多1-2 分鐘啦.

就係用齊我買既 幾款去醃肉排，我都係從亞蘇個節目, 有個師父仔教架，有冇睇呀? 茄汁2份，其他汁一份(HP & OK汁)，糖 2 湯匙 檸檬汁, 半個 (唔會好酸，我都好怕整太酸架) 我從早上 9 點幾開始醃，醃了 8- 9 小時啦

Sania (德國寶):

之前有媽咪風乾食材來光波雞/肉等等. 原來我個德國寶有個烘乾功能. 用來風乾雞/鴨/鵝, 用以上色之用. 用德國寶既用家不妨試試.

蒜蓉多士 - 我昨日用光波爐整咗蒜蓉多士. 先炒香蒜蓉牛油, 搽上切片法包, 低架 180 度 4 分鐘. 即外脆內軟.

南乳燒雞 - 材料: 雞 1隻  蔥 4棵  蒜頭 1個 (唔係一粒, 係成個, 有好多粒!!)  南乳 3磚  生抽 2湯匙  老抽 1湯匙  砂糖 2茶匙
做法:
1. 雞去頭去頸去腳洗淨瀝乾
2. 蒜頭去衣拍碎, 蔥洗淨切段
3. 蒜頭, 蔥, 南乳, 生抽, 老抽及砂糖搽勻雞身, 蒜頭及蔥段於最後塞入雞肚中, 將雞置於密實袋中醃過夜
4. 光波爐set 220度火, 焗10 mins; 用掃將醃料塗抹於雞身, 再焗10 mins, 即成
呢個係我在網上搵到既食譜, 我之前試過, 好好味.

蝦醬雞翼 - 用蝦醬醃吓佢,要加少少糖,等蝦醬無咁鹹.但有蝦醬香味. 光波爐200度4 min. 反轉4 min. 時間可以自己 adjust. 視乎雞翼大少. 食得.

豬肉乾 - 記得用低架, 高架好易燶. 同埋要中間返一返咁就兩邊都夠乾同脆. 試吓喇, 好正架. 上次有好多小朋友來我家, 我剪到細細片, 個個搶住食.  用低架, 用個焗盆承住. 個底有張牛油紙, 焗熟咗面佢就成塊可以夾起. 唔會散. 你跟食譜落哂調味料就攪勻佢, 我之前都用手撻, 後來我個印印教我用隻不鏽網匙"泥"佢, 好快就起膠, 唔知你明唔明. 即係用隻匙向下壓 d 肉碎. 重覆呢個動作, 十零分鐘後就會起膠.

你想好味 d 就最後搽少少開稀蜜糖水, 好似整蜜糖雞翼咁, 再焗多一, 兩分鐘就有好味果汁肉乾. 你初初無信心可以用牛肉, 牛肉快熟 d 又易整, 但要落多 d 黑椒粉去蘇味.

腰果 - 再說我先用高架焗腰果 200c, 好快就似想燶, 嚇到我轉180c, 但己太遲, 有部份己經有燶味. 第二轉我用高架 150c 又好似焗好耐仲見有水蒸氣. 最後熄機轉用中架(我自創, 我用低架托住個煎碟, 上再放一個蒸飽架). 今次用 150c 15 min. 果然外表好金黃, 放涼後好鬆脆, c6 同個仔一次過食咗半斤, 我試過, 真係好好味. 第二轉照 150c 15 min. 中架, 唔使再睇火, 等佢叫就去熄爐.

Winwin323 (德國寶): http://hk.myblog.yahoo.com/jw!dU2uWNeFGRmnMYQH5cIjXw--

腰果 - 材料：1. 印度特大腰果150g  2. 玉米油  3. 海鹽 4. 梳打粉
製法:-
1. 不銹鋼開口煲，加水0.5公升。水滾後，下海鹽1茶匙。
2. 鹽溶，熄火、下梳打粉1/2茶匙。
3.下腰果。用筷子攪兩攪。1-2分鐘後，倒進尼龍隔內，把水隔掉，只留下腰果。
4. 腰果放廚房紙巾上索乾水，俟涼。
我亂來gar, 開始時100度, 光波左8分鐘, 好淋, 唔得~
之後用250度, 5分鐘, 5分鐘, 咁試下, 最後見到個樣ok, 就停手啦, 驚燶晒,
熱的時侯, 好似小小淋咁, 放涼左之後, 就變得好鬆脆

我記好似$56/斤, 唔太肯定.... 因為個價錢牌寫住印度腰果, 所以我就買囉, 信佢gar 咋!
剛量度過, 印度腰果長度~3cm, 大圓頭位直徑~1.5cm, 真係好巨型, 好有咬口

魚湯 - 洗乾淨d大眼雞, 抹乾水, 用個煎pan落少少油, 就放d魚落去, 用250度, 光波5分鐘~  薯仔,  蕃茄<切件, 粟米1條開4件, 薯仔, 粟米, 光波後的魚, 放晒入煲, 煲半小時~  最後放蕃茄, 煲多5分鐘~ 放鹽, 攪掂~

鹽燒多春魚 - 灑鹽落魚度, 250度, 8mins, 反轉再灑鹽 250度, 8mins
製成品好香, 夠乾身, 魚頭尾脆扑扑, 我同我老公都好鍾意食多春魚, 所以覺得好好味,
可惜整左8條, 一人4 條唔夠喉~

光波蒜茸多士 - 係跟本隨機食譜做, 我用億世通個手動chopper chop蒜茸, 將蒜茸加牛油, 150度光波1min~  將d蒜茸牛油搽上嘉頓熱狗包, 再用250度光波4mins, 食譜話用3mins, 我鍾意燶d, 所以4mins, 呢個一出已經被班餓鬼食晒, 影唔切相

雞翼 - 我上次係用250度, 光波8mins, 中途反一次, 之後搽蜜糖再用250度, 光波5mins~

椒鹽銀魚仔 - 浸左1/2hr, 待銀魚仔發脹, 加椒鹽在銀魚仔上, 拌勻, 250度, 光波10mins, 中送轉下d魚, 製成品, 好香口, 脆卜卜, 好味~
曾經我試過用油"jar", 效果唔好, 光波爐掂d

光波龍脷柳 - 非常好味, 阿女唔喜歡食龍脷柳, 但係食到lam lam脷!
龍脷柳用豉油,糖,豆粉,蒜粉,麻油, 拌勻, 最後加油再拌勻, 醃半小時~
250度光波4mins, 反轉再光波3mins~ 炒西蘭花伴碟, 放龍脷柳在中間, 攪掂!

光波蒜茸雞翼 - 蒜茸要chop到好細好細, 因為怕d蒜茸會燶, 再用個壓蒜茸物件, 壓d蒜汁出來, 按平常醃雞翼做法, 加蒜茸&蒜汁, 拌勻, 醃左5hrs 250度光波5mins, 反轉再光波5mins~ 個皮依然好脆, 好香, 好正!

最愛小朋友: http://hk.myblog.yahoo.com/angelo_leung

麵包 - 我一般用200度焗10-15MINS............
之後就會轉用150度焗多5-8MINS....
除非真係好大個包包,,,,,,,,,,,,,如果唔係.....多數已經OK!

多利是 (億世通):

美味一字排 - 我工人琴晚用豉油,老抽, 美極, 喼汁, 小小糖醃一字排, 再用230度光波共約20mins(其間要反下), 嘩..very yummy!仲好味過用义燒醬, & 好味過街買個d~  先醃均後, 再放雪櫃醃6小時以上~

薯條 - 我係supermarket求其買架咋~ 之前吉吉島減價, $13.6,買1送1, 每包大約450g咁上下~

我琴晚試左半包(約225g), 225度, 先波around 10mins, 之後反下佢, 撥下佢, 再波around 7mins, 見到d薯條變乾身, 金黃色, 成功!

龍利柳 - 好易整架咋~ 溶左雪, 用小小鹽, 糖, 酒, pepper, 生粉, 豉油, 醃好, 就咁波囉~ 龍利柳, 我地一般醃半小時以上~

光波爐, 我不嬲都無預熱, 先波around 7mins, 反下佢, 再波7mins, 望望個樣, 我記得好似要再波多5mins咁上下~ 我全程用230度火~  我地通常會一路煮飯, 一路睇住個火喉, 所以時間都5係太記得,. 係咁上下囉~

仲有, 我無落油, 無用煎盤, 我自己用不锈鋼碟, 亦都沒有擦油, 無痴碟&散既程況~

粟米班塊 - 都好正~ 將醃好既龍利柳放入蛋漿內浸半小時以上, 取出先沾生粉炸熟, 再用地門 cream corn 做個汁封返 = 完成 - yummy!

小路:

叉燒 - 實不相瞞，我用叉燒醬加少少燒酒，醃兩個鐘咋，其實我唔係好識較火力，我咩都用晒最大火，然後燒約15-20分鐘架咋！自己因時間！整好加少少蜜糖燒多陣就OK啦！(肉要買柳梅)

鹽燒三文魚 - 燒魚頭仲易啦！我用鹽耍D落去就拿去光啦！我FD教我用淮鹽，但我無，就咁用鹽咋！燒左15分鐘大火！

KPB4000: http://hk.myblog.yahoo.com/kpb4000

格格薯餅 - 妳可以大胆啲用250度先光5mins反轉再光3-5mins，我初初用170度光咗7mins都係好淋，但就見佢有油出，咁我較大個度數到250度光咗5mins再開蓋check下，又再光多一陣，所以都未有個實在的紀錄，下次再試下。

tamtamtam (德7L): http://hk.myblog.yahoo.com/tamlau2001

解構光波爐...   光者 : 光管也    波者 : 風也    爐者 : 爐也

光: 100w的燈泡有多熱...大家可以想像..或已經體驗過...那1000w的呢 ?  光波爐就是用這麼大w數的光管..利用那種獨特的光管發出的熱力, 把食物熱熟...

波: 光管下有一風扇, 把光產生的熱更均勻地吹遍每一個角落..

爐: xxxxxx,xxxxx....xxx, xxx, xxxxxxxx.... xxxxxx...

基本上爐的核心..就是上面3樣東西....能發出什麼的幅射....沒人知.... 我多事...我低屎....

光波雞 - 我自己隻雞先背向上 (220-230度...18-20mins) 反身 (220-230度...20mins...至皮脆) 想邊面脆就把那面留後期光......
反身的主要作用只是為上色/取其脆感...唔反都可以的...不過唔夠美美 ~~

妳焗雞啦 !! 雞脾打人牙x軟....
見係妳先打.....買隻雞...(一定要買有品名的雞:龍岡 , 走地 ...  唔好買淨係寫冰鮮嗰d, 沒味架 !) 買隻細細地.斤半到....

洗乾淨, 去內臟, 剪頸, 腳 ! 係頸口開洞(for air flow) 用牙籤在皮上隨意刺幾下 .

中式醃半日, 西式一定要醃過夜 ~ (唔該醃好dd...

)

光波: 不用預熱 ! 放低架, 雞背向上 220度 18分鐘
        反身雞胸向上, 210-220度 25-30分鐘

如果中途見太焦黃...可加錫紙擋一擋 ~

一定好食 ~~ 開頭焗..唔好焗豬扒...魚...呢d, 食唔慣會覺得唔好食 ...

大舊肉:
雞 ......210-220...長時間
豬肉....230-240...中時間

細舊肉:
有皮少肥  230-240....中時間
有皮多肥  220        ...長時間 (迫油)
無皮少肥  240-250 ...短時間 (封肉汁)
無皮多肥  230-240 ...中時間 (先封汁後迫油)

時間取決於肉的大小/厚薄 ~~

叉燒 - 我通常用呢d野醃叉燒 :  叉 (3份): 蒜醬(1份): 韓醬(2份) 再加1份糖
中途反一反..唔洗掃 honey....又甜又夠色....嗰隻蒜香辣椒...好似d泰式辣醬咁...唔辣架...隻韓式..都係少辣....有少少好似鰻魚汁咁...平時用來炒鰻魚飯...

Jojomama (德國寶):http://hk.myblog.yahoo.com/jojomamaw/

光波魚頭湯 - 我將買番黎既斬左件既魚頭放响煎盤光波,光到面頭好似有脆脆地有啲金黃就放落煲滾水樹煲囉,我見啲人話可以將光波完放响凍箱,幾時攞出黎煲湯都得,一樣咁好味咁話.

豬肉乾 - 跟韋太,糖減半,但改左時間,160C15分鐘,搽HONEY,150C10分鐘,反轉搽HONEY,再150C10分鐘,用高架
豬肉乾 - 今次我用高架光波豬肉乾,150C15分鐘,跟住搽蜜糖160C8分鐘,反轉搽蜜糖160C8分鐘. 另外,我發現光波完之後唔好咁快攞出黎會稔啲

薯餅 - 就咁焗,咩野都唔洗落,200C8分鐘,反轉180C5分鐘,用低架

加高圈 - 增大容量5公升，尤其適用於多層煮食
廚寶 - 適用於焗飯、煲仔飯、燉湯、湯麵等

光波冬菇蝦米滑雞煲仔飯 - 你要先洗乾淨D米再浸30分鐘...倒左之前D浸米水... 加熱水落D米度... 少少冚過D米... 加料... 放入光波爐..用250度焗30分鐘...

出黎有D飯蕉添...

京燒馬友- 你要既野就喺:　日本麵豉(買淺色)　& 魚... 可以用馬友, 銀雪魚 或膠魚...

1) 將D魚洗乾淨, 抹乾後用日本麵豉醃左2邊...約2個鐘.
2) 於高架上舖上錫紙並將光波爐調至150度...
3) 將日本麵豉洗去... 再抹趕乾條魚.
4) 放入魚... 每邊先焗3-5分鐘...(視付魚既厚度)
5) 最後, 將光波爐調至最強.... 等佢有D焦焦地既時候就可以反去第2面...燒到你想燶既程度就OK...

食既時候加沙律醬喺最好味....
因為我買既喺低鹽麵豉, 所以要落好多... 如果唔喺會唔夠味... 第一次整最好唔好落太多.. 因為鹹得滯冇得返轉頭...

泰式酸辣雞翼 - 我都喺亂黎架渣...冇食譜...

12隻雞翼用左: 1個青檸  2條子天椒  魚露  糖

醃佢2個鐘左右...記得先熱左個爐先...

不過我就覺得唔夠酸同辣... 我老公話夠味....

叉燒媽咪:

我覺得本身隻食物有油, 佢就可以迫d油出黎, 做成炸既效果

但如果食物本身無油, 如春卷, 佢係做唔到"炸到金黃"效果嫁~

合桃&腰果 - 如果焗比小朋友食, 不妨試下合桃, 加honey & 芝麻, 好味又有益.  我諗幼鹽好過粗鹽 & 蒜鹽會好味過幼鹽, 如果落鑊炒一陣, 可以更有(入)味

爆谷 - 另外, 早2日試過整爆谷, 好得意, 睇住佢彈彈下, 高架 200'c夠喇, 250'c會"火農".

爆谷 - 高架, 先用180'c焗熟, 再用220'c上色. 要反一次.  我地都係爆完拎出黎, 另外落鑊兜我地爆完先落糖醬, 幾好味. 唔知落牛油既話, 應該爆前聽爆後落呢? 等我再研究一下先...

麵包 - around 180'c 喇~我都唔知幾耐, 我整d包細細個, 應該10-12mins左右, 好容易見到佢得未嫁, 一望就知~ 不過記住用低架

bobo (億世通):

提供有關食譜的網址 http://www.modern-recycle.com.hk/main/home_content.php?id=30

黑松露白烤日本番薯 -
材料: 日本番薯,黃芯,白芯各一個(每個約重180g)   黑松露2粒   橄欖油 約2茶匙
製法:
1.番薯洗淨抹乾水, 連皮切成條狀(大小跟薯條差不多),備用
2.黑松露切碎成幼粒, 倒入盤中, 加入番薯條, 適量橄欖油及海鹽拌勻, 置入一鍚鉈盤中, 攤開, 避免重疊
3.放進已預熱(250度)的焗爐中, 焗約10分鐘, 或至番薯條金黃徇脆, 散發香氣即可享用

貼士:
1.所有番薯條都沾上橄欖油為佳, 這樣焗出來的番薯條才會鬆脆有光澤
2.黑松露可以用乾冬姑取代, 分量約為2至3隻, 先用水浸軟,洗淨及拯乾,其餘做法一樣
呢個係新年食譜來架, 我係報紙見到剪下o既

clementbaby:http://hk.myblog.yahoo.com/bing80a

沙茶豬頸肉 - 醃料：沙茶醬、鹽、糖、胡椒粉(份量要睇下幾多豬頸肉，每個人個口味唔同)  大約醃3-4hrs
時間：大約....第一面8mins，另一面4-5mins          度數：250

餃子 - 我冇落油，我用高架+煎碟，再係煎碟上面加d水，我開頭用250度去整，時間我就冇實際去睇，因為我見每面差唔多既時候我就會轉一轉佢
(不過開頭我冇落水，所以一路都唔覺得有煎既感覺，後尾先醒起落小小水試下，點知就咁ok左，"符符碌碌"咁整出黎) 整左咁多隻我都係食左一隻咋

叉燒 - 醃料：生抽、叉燒醬同埋蜜糖, yes！250度同高架, 開頭用250度，見到燒到差唔多可以調較返低d溫度

乳鴿 - 醃料：生抽、老抽、糖、姜汁、白酒/紹興酒、胡椒粉
時間：250度-我係每5分鐘反一反，直到見到脆卜卜，就完成！用低架！250度，冇風乾，我醃呢隻乳鴿醃過夜，如果早醃就唔需要過夜！

Cherryma: http://hk.myblog.yahoo.com/perryuen2

腰果 - 我先用200度光5分鐘, 如果妳見好深色就教細啲度數(180度)再光5分鐘! 其實光的數量多定少都有影響架, 我浸左半斤, 分左兩次去光, 第一次多啲, 時間要長啲, 第二次少啲, 時間就短啲, 妳睇佢啱色就好熄製, 唔係就會燶

cherrytso:

RSP325:http://hk.myblog.yahoo.com/sulee325

雞翼 - 醃料 : 生抽, 糖, 麻油, 酒  (高架250度光8分鐘, 反轉光5分鐘)
效果: 冇等風乾完就上碟, 外皮少脆, 同燒雞翼一樣

三文魚 - 酒, 胡椒粉, 蒜鹽, 生粉 (高架250度光4分鐘,反轉光2.5分鐘)
效果: 完全冇腥味, 因用薄扒好香口

鹽鱸魚柳 - 出力推介~~ 肉質嫩滑  "正" 醃料: 酒, 日本椒鹽, 少少生粉 (醃2個鐘)
入光波爐230度6分後(沒反) 再光250度3分,  外皮脆口, 肉質滑而鮮甜

叉燒 -  材料 : 梅頭豬肉 醃料 : 鹽, 糖, 老抽, 麥芽糖, 叉燒醬 醃5個小時 低架, 240度 光15分, 反240度12分

三文魚頭 - 材料 : 三文魚頭 醃料: 米酒, 白胡椒粉, 糖, 日本椒鹽, 麻油, 生粉 普通蒸架, 240度 12分 沒反,  今次完成後只洒新鮮檸檬汁
咁多次製作, 呢次係最成功, 光完真係好靚

mmfan:

食物	火力溫度	時間(分鐘)	架
粟米	250	18	低
蕃薯	250	15+10	高	包錫紙插孔
台式腸	200	7	高
紅腸	250	4+2	高
秋刀魚	250	6+2	高
鯖魚	250	6+5	高
多春魚	250	10+5	高
蒜茸多士	220	3	高
咸豬手	250	25+20	低
叉燒	200	10+5	低
朱頸肉	200	7+5	高
雞中亦	200	7+5	高
蘿白糕	220	6+6	高
年糕	180	4+4	高
牛仔骨	220	5+5	高
星星薯餅	200	8	高	有孔焗盆
哈哈笑薯餅	190	10	高	有孔焗盆
薯條	200	10	低	有孔焗盆
腰果	180	4+4	高	有孔焗盆
茄子	250	4+4	高
雞比菇	250	4+4	高

蔬菜未試過，只光過瓜類及菇類，將材料切厚件(一定要厚，如果唔係會好乾)
加少許油及燒烤醬撈一下，放入光波爐高架用250度火光4分鐘後反轉
再光多4分鐘便可以

另外, 有買光波爐而寫blog的mami:

catnapper (Wimpex20L): http://hk.myblog.yahoo.com/clara213

靚咪媽 (Wimpex20L): http://hk.myblog.yahoo.com/dansan-doremi

wing_so (德國寶): http://hk.myblog.yahoo.com/wing225

Panda-Z: http://sister0808.mysinablog.com/

Kayingivy: http://hk.myblog.yahoo.com/bb_211

lsyc:http://www.baby-kingdom.com/?47931