清熱毒～海帶綠豆沙
呢排一家人都夜瞓，
加上打完邊爐後，有少少燥底，
於是整番煲糖水～綠豆沙清清毒之餘，
仲加埋海帶一齊煲，用真空煲煲一陣後，
放入外煲內，唔駛睇火，
仲有少少起沙添喎！
自從細妹介紹我食海帶後，
對這種海澡類的植物又愛又恨，
原因係乾既海帶都幾多泥沙，
要清洗數次才能乾淨，
之前試過用已浸透的海帶做涼拌菜式，
今次就買左包乾海帶煲湯水，
要浸一陣再洗乾淨，再切幼條，
就可以用嚟煲糖水喇！
翻開很久之前買下一本藥膳食譜書，
內裡提及海澡的藥用價值：
海澡，味苦鹹、性寒。功能乾堅散結、利水消腫。適用於癭瘤、瘰癧、腳氣浮腫等症。
【功效】：清熱解毒、化痰下火、利水消腫。
【禁忌】：脾胃虛寒者慎服。
【其他食法】：
1. 腳氣浮腫，可配豬苓、澤瀉、茯苓等。
2. 治癭瘤，配昆布、青皮、川貝。
3. 治瘰癧痰核，配生地、連翹、天花粉等。
資料來源：藥膳養生坊～潤燥保健
