薄荷朱古力慕思蛋糕
細佬生日快樂!!!
揀咗呢個雙層蛋糕，我第一次整雙層架咋!!!
第一層順利過關，首次用魚膠片，做法輕鬆，立即愛上!!!
第二層就發生咗蝦碌嘢! 個譜有d"流"，唔太可靠，魚膠份量唔陪，個薄荷mousse水得滯，唔太凝固啦!
雪咗一晚，強行甩模，同佢影相發覺佢水滴滴... 太家睇吓下圖就知有幾水:-
就算已經擺埋朱古力粒上去做裝飾，但都過唔到自己，決定再整過!
開始喇!!"畢"番d薄荷mousse出黎，等佢暖番少少，再加番d魚膠溶液蓉去，搞掂!
即時已見到效果，質地唔再水汪汪，正好多! 下圖可以見到上層已經挺番喇!
口感超正! 整咁多次mousse，今次整得最好味，最有mousse嘅感覺! 滑啦! 唔太軟又唔太硬~正! 味道主要係朱古力味，薄荷就係一個襯托嘅作用，帶出清新嘅感覺!
好在我決定要重整頂層嗰part，否則效果會差好多!
三層由上至下: 薄荷mousse、朱古力mousse、朱古力蛋糕~~~層次都幾分明，薄荷顏色仲好靚添:-
精美食譜，好多字，寫咗我好耐~~~~
