國霞 的 BLOG

　　打了數次電話追問小黃的化驗報告，香港貓醫院都話未到。今日終於打來，但令我十分失望兼氣憤！

　　佢地話英國那邊做唔到化驗，不知如何顯影唔到，我問點算？佢地話再做一次手術。我立刻大發電霆，有無攪錯？

　　我小黃都未足一歲，短短個半月要做兩次手術？即係又要麻醉，又要開刀？真係好嬲！

　　點解咁嬲？我咁貴都睇貓醫院為咩？我去卜位時講明睇Dr.Maggie，睇果陣係Dr.Maggie睇，睇完做手術就話係第二個做，我問係唔係Dr.Carol，因為個菲女都算唔錯。個護士話唔係，係第二個，我心諗，你貓醫院請的人都唔會差得去邊啦！點知Dr.Maggie而家眼中只有錢，收得鬼咁貴，請返來的人鬼咁差。

　　小黃當日順便做埋絕育，返來後我望下佢果個「咕咕」，嘩！好傷喎，

兩邊睪丸都瘀咗，係拔毛拔到瘀咗嘅。

在此之先，王小虎在方舟做絕育，

做完個「咕咕」都好完整，就算牛牛在尖沙咀獸醫診所做，都未有咁差，佢咁出名的香港貓醫院竟然做得咁差。

　　「咕咕」唔靚我都算佢啦，而家估唔到個淋巴腺手術都做得咁差，化驗造唔到顯影。還要小黃再做一次手術，唔駛錢我都唔做，我一定去信獸醫管理局投訴！