吳遊記

第三日我哋決定玩自駕遊..... 我哋問過機場...巴東市..基本上租車個價冇乜大分別..所以就又搵酒店幫手...租最平的jazz一日1500銖...油用咗要自己入番.....另外喺租店租有個好處係喺酒店攞車同還車...方便好多..



喺布吉自駕遊其實幾唔方便..因為佢d地圖冇d細小的路顯示.只有d公路...所以你要自駕遊最好係有個指南針..就算行錯路都起碼可以搵返個啱的方位...(我哋就係成日行錯路要靠指南針).. 同埋你問路個結果同唔問冇乜分別... 因為好多泰國女人係唔識睇地圖...所以要問路最好問男人...hahaha..

我哋第一站係去布吉唯一的outlet--premium.... 大就真係好大...但冇乜嘢行...最出名的nike adidas... d款又舊..價錢又貴(喺布吉買嘢係要俾稅的)...所以都係冇收穫..接而去index livingmall... 係泰國宜家... 好多傢俱睇...如果你新居入伙可以嚟呢道行吓..


又係醫肚的時候.... 我哋去咗Big C 超級市場...去參觀吓泰國的food court.... 一般...但勝在夠平..一碟海南雞飯只要港幣十元..

喺big c行咗一陣...買咗d零食..我哋又要再上路....我哋睇天書見一間地道菜館唔錯..所以就諗住去.... 原來d小鋪係極難搵的....搵搵吓..我哋反而去咗一間massage 按腳..因為太攰了.. hehehe...



呢間kim's massage & spa 本天書都有介紹...有好多遊客幫襯..又係350銖60mins..最好係可以喺冷氣環境下眠一眠呢! ^0^

按完後再問人至成功去到地道菜館--Krua-Thai....果然冇介紹錯..好味好平又好地道.


我哋食咗生蝦刺身(20港幣一碟..食咗2碟都冇肚疴 ^0^) 冬蔭....檸檬雞(傳統泰菜)..最正係右上角的榴槤糯米飯...好正好平... 去布吉的朋友不妨去呢間...(但係好難搵的)

食完後..原本諗住去睇日落..但可惜已經好晏...所以我哋便決定返巴東..要搵路返去的情況下..我哋駕車差不多要45mins至返到巴東!

我哋2隻為食鬼又係去搵食...最後搵咗一間巴東好出名的Savoey Restaurant ...呢間有2面俾你坐.戶內or沙灘..我哋當然選擇坐喺沙灘..有mood d (但係好多蚊 -_-)


食飽飽後... 2隻骨精又去搵番第一日去嗰間按腳...hehe.按完腳仲試咗d小販檔...d 燒粟米同package 成條街都有... 好好味的..


總結布吉自駕遊都ok... 但因為布吉太大.. d路又多..都唔易....但好處係可以去遠d and 去多d 地方... 同埋周圍都泊得車..(巴東就難泊d.. 太多車)