大城市, 小人物

翌日,陳欣怡的爸爸渡過了危險期,也甦醒過來了。

陳欣怡:爸爸,你醒啦?

陳欣怡爸爸:唔…乖女,做咩個樣咁無精神呀?為左爸爸同阿朗既事煩呀?

陳欣怡:…

陳欣怡爸爸:我係昏迷期間,發左一個好長既夢。係夢入面你同阿朗聽晒我話,做左我同佢爸爸公司既財務主管…但係偏偏你地兩個都做得唔開心,最後仲夾埋虧空公款,兩間公司最後都要倒閉收場。

陳欣怡:爸爸,你啱啱醒番,唔好諗公司啲野住啦!

陳欣怡爸爸:我無事…我只係覺得原來我一直逼你地兩個行我想你地行既路,係錯既。有時有啲野,唔可以強求既。另外,你地這一代既感情事,就留番俾你地去處理啦!我唔會再理架啦!你返出去先啦,我要訓一陣啦!

陳欣怡走出病房外,心裡想了很耐,才下了決定。

陳欣怡:"喂,阿朗?你可唔可以出一出黎,我想同你講啲野。"

另一方面,周樂晴在下班後,立刻趕去醫院探媽媽。

Christine媽媽:阿女,做咩個樣無厘神氣咁呀?我知你近排為左我搞到身心疲累…你可以唔駛成日黎…又或者你可以叫阿朗來啦!

Christine:媽咪,我決定左要同阿朗佢分手啦!

Christine媽媽:做咩呀?你地兩個嗌交呀?

Christine:….

Christine媽媽:唔…雖然我唔知你地兩個發生左咩事,但係如果你覺得呢個決定係正確既話,媽媽會支持你既。

Christine(哭泣和擁抱媽媽):媽咪!我真係撐得好辛苦呀!嗚嗚...

Christine媽媽:傻女,唔好喊啦!

過了良久,周樂晴的心情才平伏過來。

Christine媽媽:樂晴,人生總會經過好多高低起跌既!你爸爸幫你改呢個名,就係想你每日都可以樂天同晴朗咁面對困難。

Christine:唔!媽咪,我明架啦!

周樂晴離開了病房,手拿著支票,想把它還給陳欣怡,然後再找方法籌得手術費。

但是,醫生對她說,有人替她付了手術費,也可以安排媽媽動手術了。

另外,證監會找到了獨立研究機構負責出報告的那位分析員,再加上Johnny受不了良心的責備,把整件事和盤托出。高俊朗也因此成功洗脫嫌疑了。

雖然如此,高俊朗還是覺得他沒有好好管理下屬,再加上發生這件事之後,某些合伙人對高俊朗也不太信任。

在感情方面,這段三角關係內,他認為需要時間讓各方冷靜一下。

所以高俊朗他選擇辭職,去外地放一個長假。

-兩年後-

想不到,Alex和Queenie竟然發展成情侶,更訂婚了。他們邀請了一眾同事參加了他們的訂婚派對。

Kingsley:Alex,恭喜晒你喎!估唔到你咁快就同Queenie拉埋天窗!

Alex:哈哈,我都唔知架!果一刻突然想求婚咪求囉!

Kingsley:幾時結婚呀?記住請埋我喎!

Alex:一定請你啦!出年三月二號呀!你又點呀?啱啱係加拿大番黎,有無識到鬼妹先?

Kingsley:無呀,外國人都唔係好啱我既!

Alex:咁你仲有無同欣怡佢聯絡呀?

Kingsley:都有既,但係好耐先會打一次電話。始終佢而家有男朋友,我都會避忌下。

Alex:哦!好啦!我去搵一搵我老婆先!轉頭再搵你!

Alex離開後,高俊朗沒有融入人群,反而他坐在吧檯,喝著酒。眼睛望向四周,像是尋找些什麼似的。

良久後,Queenie拿著麥克風說:

Queenie:各位,唔好意思,要大家等咁耐。我老友Christine打電話黎話佢今日可能黎唔到…不過我們唔好等啦!Let’s start the party!

高俊朗聽到之後,有一點失落。但想著想著,他也站了起來,和其他同事玩樂一番。

雖然臉上掛著笑容,但是高俊朗的內心卻沒有喜悅的感覺。

兩個小時後,派對也將近結束了。

高俊朗他向主人家道別之後,帶著失望的心情離開。

在店外,他伸手叫計程車。車子停下。

一個少女開門衝了出來,撞在他身上。

Christine:唔好意思呀!撞到你….嗨!

Kingsley:嗨!好耐無見!

兩人相望而笑。

-完-

--------------------------------------------------------------------------------------------